Afg’onistonda karantin davrida oilada zo’ravonlik bo’yicha murojaatlar kamaygani nimadan dalolat?

Hirotda psixolog sifatida faoliyat yurituvchi Marzay Akbariyning aytishicha, pandemiyaga qadar davolangan bemorlari karantin boshlanishi bilan kelmay qo’ydi.

“Ayollar yuzma-yuz suhbatlar uchun kelib turardi, lekin koronavirus davrida yo’q bo’lib ketishdi. Ba’zilari telefon orqali aloqaga chiqardi. Hozir qo’ng’iroqlar ham to’xtadi”, - deydi Akbariy.

Embed share

Karantin oqibatlari: Afg’onistonda oilaviy zo’ravonlik

Embed share

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:02:05 0:00

Yuklab oling

• 240p | 5,8MB
• 360p | 8,7MB
• 480p | 12,8MB
• 720p | 32,1MB
• 1080p | 40,5MB

Ayollarning huquqiy masalalari bilan shug’ullanuvchi mutaxassis Lida Shariq oilada zo’ravonlik bo’yicha murojaatlar ham kamayganini aytadi. Bu esa, uningcha, aslo zo’ravonlik kamaydi degani emas.

“Avval ham murojaatlar kam tushardi. Taxminan o’ntacha. Endi bo’lsa, ikkita-uchta, xolos. Sababi, uyda qolayotgan erkaklar ayollariga biz bilan bog’lanishiga yo’l qo’ymaydi”, - deydi mutaxassis.

Hirotdagi mahalliy kasalxona direktori Orif Jaloli karantin davrida 100 ga yaqin o’z joniga qasd qilish va zo’ravonlik holatlari yuz berganini aytmoqda.

“Kishilar kasalxonaga kelishga qo’rqadi. Odatda ko’proq odam kelardi. 700 ta o’rin bor edi. Lekin endi 300 ta. Do’pposlangan 20 ayolni qabul qildik. Yana 75 nafar o’z joniga qasd qilgan yoki zaharlangan xotin-qizlar ham kelib tushdi”, - deydi u.

Mutaxassislar fikricha, uyda qolish tartibi o’zaro munosabatlar taranglashishiga, iqtisodiy qiyinchiliklar esa kishilarda stress oshishiga olib kelmoqda. Bu esa oilada zo’ravonlik ko’payishiga sabab bo’lmoqda. Mutaxassislar fikricha, zo’ravonliklar ko’p hollarda bolalar qarshisida yuz bergani uchun ular ham zulm qurboniga aylanmoqda.