"Sadoi Bonu" - Afg'onistonda bir amallab efirga chiqayotgan radio

Tolibon boshqaruvidagi Afg’onistonda “Sadoi Bonu” radiosi ayollar boshqaruvchi va ayollarga mo’ljallangan yagona stansiyadir.

Xotin-qizlar va mediaga nisbatan joriy etilgan cheklovlarga qaramay, ushbu radio uch viloyatda o’z faoliyatini davom ettirmoqda.

Ammo Tolibon hukumati va iqtisodiy bosimlar sabab ayrim dasturlar qisqartirilgan.

“Ilgari 24 soat efirga chiqar edik. Lekin moliyaviy muammolar va ayollarga tunda ishlashga ruxsat yo’qligi sababli yoyinlarimizni 12 soatga qisqartirdik. Ertalab oltidan kechqurun 6 gacha”, - deydi “Sadoi Bonui Balx” radiosidan Parvin Xovariy.

Bu sifatga ham ta’sir qilayapti, deydi u.

“Ko’ngilochar dasturlarimiz ko’proq edi, shinavandalar soni ham. Ayollarni stansiyamizga chaqira olmaymiz. Ayni holda dasturlarimiz ham kuzatilmoqda” deydi Parvin.

Embed share

Afg'oniston: Ayollar radiosi o'chmoqchi emas

Embed share

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:02:51 0:00

Yuklab oling

• 240p | 7,6MB
• 360p | 10,8MB
• 480p | 15,8MB
• 720p | 43,6MB
• 1080p | 54,0MB

Qoidalardan biri shuki, ayollar uyidan tashqariga chiqayotganda erkak mahramlari ularga hamrohlik qilishi kerak. Bu holat ba’zi jurnalistlar uchun qiyinchilik yaratmoqda, ayrim muxbirlar allaqachon muammoga yechim topishga ulgurgan.

“Har kuni mahramim bilan ishxonaga borib, dasturlarga mezbonlik qila olmas edim. Shuning uchun radioni uyga olib keldim. Dasturlarni shu yerdan olib borayapman. Oilam yordam berib turibdi”,- deydi “Sadoi Bonui Maymana” radiosidan Hadiya Ibrohimiy.

“Chegara bilmas muxbirlar” tashkilotiga ko’ra, bir paytlar ancha faol bo’lgan ommaviy axborot vositalari uchun sharoit o’zgargan. Viloyatlarning uchdan birida ayol jurnalistlar qolmagan.

Tolibondan oldin mamlakatda 2700 nafar ayol jurnalist faoliyat yuritar edi. Hozir esa 600 ga yaqini ishini davom ettirmoqda.

Ularning aytishicha, bugun jurnalistlarning vazifasi yanada muhim.

“Maktablar va ta’lim markazlari yopiq. Shunung uchun ta’limiy dasturlarni tayyorlab, efirga uzatamiz”,- deydi Hadiya Ibrohimiy.

Qizlarga 12 yoshdan keyin maktab va universitetlar eshigi yopiq ekan, bunday dasturlarni uzatish radio stansiyalar va auditoriya uchun alohida ahamiyat kasb etmoqda.