Learning English
VOA
site logo site logo
Oldingi Keyingi
Breaking News
Yangiliklar

Amerika sharqida 5,8 ballik zilzila

Vashingtonda barcha ishxonalar evakuatsiya qilindi
Vashingtonda barcha ishxonalar evakuatsiya qilindi

Bugun mahalliy vaqt bilan 13:51 da poytaxt Vashington va mamlakatning sharqiy shtatlarida yer qimirladi.

AQSh Geologiya agentligi berayotgan ma'lumotlarga ko'ra, zilzila markazi Richmond, Virginiya poytaxti va Sharlotsvill shahri orasida. Vashingtondan qariyb 140 kilometr janubda.

Yer silkinishi Massachusetts shtati, ayni damda prezident Barak Obama dam olayotgan hududda ham sezilgan, shuningdek, Pensilvaniya va Jorjiyada.

Evakuatsiya
Evakuatsiya

Atlantika okeani sohili bo'ylab Shimoliy Karolina va Massachusetts orasida Virginiyadan tashqari Kolumbiya okrugi (Vashington shahri), Merilend, Delaver, Nyu-Jersi, Nyu-York, Konnektikut va Roud-Ayland bor.

Poytaxtda zilzila ro'y bergan zahotiyoq barcha federal komplekslar, jumladan Kapitoliy (Kongress binosi), Pentagon (AQSh Mudofaa vazirligi binosi) va "Amerika Ovozi" ham evakuatsiya qilindi.

Hozircha biror jiddiy zarar ko'zga tashlanmaydi. Hech kim jarohat olmagan.

Vashington
Vashington

Ish kuni erta tugadi, ammo jamoat transportlari faoliyati to'xtagani yo'q.

Virjiniya shtatidagi ikki atom reaktori avtomatik ravishda o'chgan. Xavfsizlik choralari joyida, deydi rasmiylar.

Zilzilani boshdan kechirgan odamlar esa hamon vahimada ekanini aytadi.

"Kim ham o'ylabdi Vashingtonda bunday narsani", - deydi bir amerikalik. "Bu yerlar seysmik jihatdan xavfli ekanini bilmagan edik".

AQSh Geologiya agentligining ogohlantirishicha, zilzilani oldindan aytish, uning aniq vaqtini bashorat qilish mumkin emas. Bugun zilzila ketidan yer yana bir necha marta silkingan.

Mamlakat sharqida oxirgi marta eng kuchli zilzila 1886 yilda Janubiy Karolina shtatining Charlzton shahrida yuz bergan, 7,3 balda.

22 avgust kuni mahalliy vaqt bilan 23:46 da Kolorado shtatida ham 5,3 balda yer qimirlagan edi. Amerika g'arbida yengil silkinishlar tez tez kuzatiladi. Kechagisi Koloradoda yaqin o'tmishda yuz bergan eng kuchlisi, deydi olimlar.

Nyu-York
Nyu-York

"Suv toshqinlari, to'fon va dovullarga o'rganib ketganmiz, ruhan tayyormiz ularga. Lekin zilzila degan narsa umuman boshqacha bo'lar ekan. Hayot o'sha damlarda qanchalik shirin tuyulganini bilsangiz edi", - deydi yana bir guvoh.

Yozning bu paytida ishxonalar u qadar gavjum emas, ko'pchilik ta'tilda, lekin poytaxt hamisha sayyohlarga to'la.

"Amerika Ovozi" oldida
"Amerika Ovozi" oldida

Qayerga qaramang, odamlar telefonda bugungi ko'rgulikni tasvirlab berayotganini ko'rasiz.

Ishdan uyga erta qaytgan amerikaliklar xonadonida narsalar qulab tushgani, idish-tovoqlar singani, devorlar darz ketganini aytmoqda.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

Back to top
XS
SM
MD
LG