Inson huquqlari himoyachilaridan olingan ma'lumotlarga ko'ra, Qirg'iziston huquq-tartibot organlarida qiynoqqa solish amaliyoti kengaygan.
AQShning Bishkekdagi elchixonasi bu borada xavotir bildirmoqda.
"Qirg'iziston BMTning qiynoqlarga qarshi konvensiyasiga a'zo. Shunday ekan, davlat qiynoqlarning oldini olish majburiyatini bajarishi kerak",- deyiladi elchixona bayonotida.
Amerika tomon aybdorlarni jazolashga chaqirmoqda.
Huquq faollarining aytishicha, Qirg'iziston janubida qirg'iz millatiga mansub militsionerlar, tergovchilar va adliya xodimlari o'tgan yil yozida bo'lgan zo'ravonliklarda asosan o'zbeklarni ayblab, ba'zilarini qiynoqqa solmoqda.
