AQSh Davlat kotibi Mayk Pompeo Braziliyada Isroil rahbari Benyamin Netanyahu bilan uchrashar ekan, bu davlat bilan Suriya bo'yicha hamkorlik kengayadi, deya qayd etdi.
Isroil nazarida Eron Suriyada "agressiya" bilan band, ya'ni qator qurolli guruhlarni quvvatlab, G'arb va yahudiy davlatga qarshi urushda.
Pompeo deydiki, "Islomiy davlat" ga qarshi harakatlar to'xtamaydi va bu bilan AQSh Isroil manfaatlarini ham himoya qilmoqda.
Prezident Donald Tramp Suriyadagi kuchlarni vatanga qaytarishga qaror qilgan. U yerda urushni to'xtatish avvalo qo'shni davlatlarning vazifasi, deydi u.
Biroq AQSh bu urushda qolishi kerak, degan chaqiriqlar kuchli. Vashington o'z manfaatlari uchun o'zi kurashishi kerak, deydi yangi yildan mudofaa vaziri lavozimidan ketgan arbob Jim Mattis.
AQSh va Isroil razvedka bobida hamkorlikni kengaytirmoqda. Isroil o'zini himoya qilish uchun barcha vositalarni ishga solishga haqli, deydi Netanyahu va Pompeo.
Netanyahu Amerika kuchlari Suriyadan chiqishiga qarshi. Bu davlat nazarida mintaqada Eron ta'siri kuchaymoqda. Suriyaga Erondan kelayotgan yordamdan xavotirlangan Isroil ayrim obyektlarni nishonga olib kelmoqda.
Facebook Forum