“Hozircha bir narsa deyish qiyin. Asosiy guvohlardan yana uchtasi bor, ularni ham eshitgandan keyin bir xulosaga kelishadi”, - deydi advokat Bahrom Abdurahmonov.
Solijon Abdurahmonov giyohvand moddlarni saqlash aybi bilan hibsga olingan edi. Keyinchalik bu ayblov giyohvand moddalar savdosiga almashtrildi.
Abduramonovga nisbatan qo`yilgan ayblov og’ir jinoyat turiga kiradi. Advokatning aytishicha, shu bois mustaqillik munosabati bilan e`lon qilingan amnistiya unga nisbatan qo`llanmasligi mumkin.
“10 yildan 20 yilgacha, giyohvand moddalarni ko`p miqdorda sotishda ayblashmoqda”,- deydi advokat.
Bahrom Abdurahmonovning aytishicha, tergov-surishturuv ishlari mobaynida jurnalistga qo`yilgan ayblar o`z isbotini topmagan. Solijon Abdurahmonov dastlabki sud jarayonida o`ziga qo`yilgan ayblarni inkor etgan.
"Abdurahmonovning misoli shuni ko'rsatmoqdaki, haddi sig'ib o'z fikrini ochiq aytgan inson istagan payt qamoqqa olinishi mumkin", - deydi Human Rights Watch tashkilotining O'zbekiston bo'yicha vakili Igor Vorontsov.
Human Rights Watch AQSh hukumati va Yevropa Ittifoqidanmustaqil jurnalistning ishini nazoratga olishni, uning ozod etilishi uchun ko`mak ko`rsatishni so`ragan.
Xalqaro tashkilot hisobotiga ko`ra, Solijon Abdurahmonovning hibsga olinishi uning jurnalistik faoliyati, tanqidiy maqolalari bilan bog`liq.
Qoraqalpog`istondagi sanoqli mustaqil jurnalistlardan biri Abdurahmonov avval “Ozodlik”, “Amerika ovozi” radiolari bilan hamkorlik qilgan, so`nggi yillarda “Uznews.net” axborot agentligining muxbiri sifatida ishlayotgan edi.
Abdurahmonov qamoqqa olinishidan sal o`tib Nukusda “Mazlum” inson huquqlari tashkiloti rahbari A`zam Turg`unov ham tovlamachilikda ayblanib hibsga olingan edi.
Ayni paytda Nukusda A`zam Turg`unov ustidan ham sud ishi davom etmoqda.
“Siyosatga aralashgani uchun javobgarlikka tortadigan modda yo`q, boshqa biron narsa topish kerak bo`lgan. A`zam akani chetlashtirish shart bo`lgani uchun orqasidan poylab yurib uyushtirishgan buni”, - deydi sud ishida kuzatuvchi sifatida qatnashgan “Birdamlik” harakatining O`zbekistondagi rahbari Dilorom Ishoqova.
Dilorom Ishoqovaning aytishicha, so`nggi paytda Yevropa, AQShning huquq himoyachilariga munosabatida ehtiyotkorlik kuzatiladi.
“Hukumatning qonunbuzarliklarini ham ancha ehtiyotkorlik bilan ko`rsatishayapti. Avvallari siyosatchilar, huquq himoyachilari ustidan o`tayotgan sud jarayonlarida diplomatik korpusdan albatta vakillar bo`lardi. Hozir bunday narsa yo`q. O`ta ehtiyotkorlik bor, gapni ochig`i, Karimovning jahlini chiqarmaslik uchun”, - deydi Dilorom Ishoqova.
Sharhlovchilar fikricha, Yevropa Ittifoqi va O`zbekiston
o`rtasida inson huquqlari bo`yicha borayotgan muloqotlarda aniq holatlar tilga
olinmaydi,vaziyatni umumiy baholashdan nariga o’tilmayapti.