Markaziy Osiyo bo'ylab turli loyihalar yurituvchi Yevrosiyo Jamg'armasi Qirg'izistonning sobiq rahbari Roza Otunbayevani o'zining yillik mukofoti bilan taqdirladi. O'tgan yili prezidentlikni Almazbek Atambayevga topshirgan arbob bugungi kunda o'z tashkilotiga asos solgan. Yevrosiyo Jamg'armasi nazarida Otunbayeva nafaqat yurti, balki mintaqa siyosiy-ijtimoiy taraqqiyoti uchun xizmat qilib kelayotgan, ayniqsa xotin-qizlar rolini oshirish uchun ulkan hissa qo'shayotgan lider. Navbahor Imamova Vashingtonda o'tgan taqdimot marosimi ketidan Roza Otunbayevani suhbatga tortdi.