Amerika - muhojirlar asos solgan jamiyat. AQShga qadam qo'ygan har bir odam erkin hayot izlab keladi deyishadi. Lekin bu mamlakatda yashashning ham o'ziga xos qiyinchiliklari, mashaqqati bor. Amerika kuchli sabr-toqat, qattiq mehnat va tirishqoqlik talab qiladi. Ana shundagina uning sehrini, mehrini va asl mohiyatini sezadi kishi. Amerika vujudga kelidbiki, immigratsiya masalasi nozik mavzu. Hujjatsiz muhojirlar hozir bu yerda 12 millionga yaqinlashgan. Ularning qora mehnatiga talab bor, ammo hukumat uzoq muddatda ularning masalasini qanday hal etish yuzasidan bir qarorga kela olmayapti. Bahs-munozara tinmaydi. Ushbu ko'rsatuvimiz hujjatli film shaklida bo'lib, unda AQShda kun ko'rib yurgan bir necha muhojirning taqdiriga yaqindan nazar tashlaymiz.