Kompyuter o'yinlari universitetlarda sport turiga aylanmoqda

Yaqin kunlargacha video o’yin o’ynaydiganlarga vaqtni behuda sarflaydigan, bemaqsad odamlar deya qaralardi. Vaqt o’tib, bunday qarashlar ham o’zgarib borayotgani kuzatiladi. X-Box, Pleysteyshn yoki ko’nikmalarni rivojlantirishga qaratilgan kompyuter o’yinlari vaqti kelib foyda keltirishi ham mumkin ekan. AQSh universitetlari kompyuter o’yinlariga ko’proq odamni jalb qilish uchun maxsus stipendiyalar ajratishni boshlagan.

Embed share

Video o'yinlar foydasi

by Amerika Ovozi

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:04 0:00

Yuklab oling

• 128 kbps | MP3
• 64 kbps | MP3

Pleyer

Greyson Okonnel 20 yoshda. Pensilvaniya shtatidagi Harrisburg universitetida Informatsion texnologiyalar va sun’iy idrok sohasida tahsil oladi. Darslar tugagach, video o’yinlar bilan shug’ullanadi. Lekin shunchaki vaqt o'tkazish uchun emas, balki universitetning kibersport jamoasi a’zosi sifatida.

“Kichkinaligimdan yaxshi o’ynardim. Sport bilan shug’ullanish doim ham hamyonbop bo’lmagan. Masalan, xokkey o’ynagan paytlarimda ota-onamga juda qiyin edi, o’zim ham ko’p vaqt sarflardim. Shu bilan video o’yinlarni o’rganib, doim yaxshi natijalarga erishganman”, - deydi u.

Ko’pgina universitetlar futbol, basketbol o’yinchilariga stipendiyalar ajratadi. Ular qatoriga endi kibersport ham kirib kelmoqda.

“Video o’yinlarni yaxshi o’ynaydiganlar uchun ajoyib imkoniyat bu. Yaxshi universitetda o’qiydi, yetuk mutaxassis bo’lib chiqadi”, - deydi Harrisburg universiteti prezidenti Erik Dar.

Universitet kibersport jamoasida boshqa sport turlari kabi 16 o’yinchi, trener va qat’iy mashq jadvali bor.

“Barcha talabalarimiz muvaffaqiyatlarga erishishi tarafdorimiz”, - deydi jamoa murabbiysi Geof Vang.

Bu dargoh mamlakat bo’ylab birinchi bo’lib o’yinlar uchun to’liq stipendiya ajratgan universitet. Yaqinda u maktab bitiruvchilari uchun maxsus treningga mezbonlik qildi.

“Shunchaki emas, g’olib bo’lish uchun o’ynayman”, - deydi o’quvchilardan biri Jastin Baxata.

Universititet kibersport jamoasining debyut o’yini 2017-yil kuzda o’tgan. Bu yil kuzda 1-chempionat musobaqasida qatnashadi.

“Universitetning kiber iste’dod egalariga e’tiborini ko’rgan ota-onam meni qo’llab-quvvatladi, o’ynashimga doim sharoit qilib berdi”, -deydi Greyson Okonnel.

Greyson o’qishni tugatgach, yo video o’yinchi yoki kompyuter texnologiyalari mutaxassisi sifatida ish boshlaydi. Tanlov qarorini berish esa oson emas.