Learning English
VOA
site logo site logo
Oldingi Keyingi
Breaking News
Yangiliklar

O'sh qonga belangan, o'zbek aholi yordam kutmoqda

O'sh shahri va uning atrofidagi qishloqlarda o'zbek xonadonlari va mahallalari alanga ostida. Minglab aholi jon saqlash umidida O'zbekiston chegarasi tomon talpinmoqda. Ular qo'shni davlatlar va xalqaro hamjamiyatdan yordam so'ramoqda. (Suratlarni tomosha qiling)

Guvohlarning aytishicha, juma kuni kechasi sal tingan xurujlar shanba kuni yana avj olib, asosan yoshlardan iborat qirg'iz to'dalar o'zbek mahallariga bostirib kirib, uylarga o't qo'ymoqda, odamlarni o'ldirmoqda.

Roza Otunbayeva boshchiligidagi muvaqqat hukumat nazoratni qo'ldan boy berganini tan olib, Rossiyadan madad so'ramoqda. Lekin Kreml Qirg'izistonga darhol qo'shin yubormoqchi emas.

Prezident Dmitriy Medvedevning matbuot kotibasi Natalya Timakovaning ma'lum qilishicha, Rossiya insonparvarlik yordami ko'rsatib, jarohatlanganlarni evakuatsiya qilishga tayyor.

Vashingtonda ism-sharifi oshkor etilishini istamagan rasmiylarning aytishicha, Otunbayeva AQShga ham murojaat qilgan. Amerika Manasdagi bazadan harbiy-tibbiy komanda yuborishi mumkin xolos. Bishkekdagi elchixona jamoatchilikni tinchlikka da'vat etmoqda.

Hozirda hududda qancha gumanitar tashkilot ishlayotgani noma'lum. Inson huquqlari bo'yicha guruhlar, nohukumat muassasalar "qo'ldan kelganini qilamiz" deydi. Ammo "Amerika Ovozi" bilan gaplashgan o'zbeklar ko'mak qani deb so'ramoqda.

Otunbayeva ma'muriyati qator savollarga to'liq javob berishiga to'g'ri keladi:

- Jinoyatchi to'dalar deb umumiy ta'riflanayotgan guruhlar kimlar? Ular qurolni qayerdan olayapti?

- Qonun-tartibot organlari qo'lida qanday ma'lumotlar bor?

- Nega xavfsizlik kuchlari begunoh aholini nishonga olmoqda? Bu kuchlarga qanday buyruq berilgan?

- Etnik nafratni bartaraf etish uchun hukumat nima chora ko'rayapti yoki ko'rmoqchi?

- Qo'shni davlatlar, xususan O'zbekiston bilan gaplashilayaptimi?

Jurnalistlar uchun O'shdan axborot uzatish bag'oyat qiyinlashgan va o'zbek muxbirlar yashirinishga majbur bo'layotganini aytmoqda.

So'nggi hisoblarga ko'ra, juma-shanbadagi etnik to'qnashuvlarda 60 dan ortiq inson halok bo'lgan va qariyb 850 fuqaro tibbiy yordamga muhtoj.

Bishkekdan qo'shimcha harbiy kuchlar safarbar etilganiga qaramay vaziyat tahlikali. Militsiya va jamoatchi faollarning so'zlariga ko'ra, O'shga boshqa viloyatlardan yuzlab qirg'izlar yetib kelmoqda va o'zbeklarga hamla qilishda davom etmoqda. Bu to'dalar temir vositalar va avtomatlar bilan qurollangan.

Qo'shni davlatlar, jumladan O'zbekiston xavotir bildirish bilan cheklanmoqda, lekin chegarada uning xavfsizlik kuchlari qochqinlarga yordam ko'rsatayotgani haqida ma'lumotlar bor.

"Amerika Ovozi" bilan bog'langan aholi vakillari "O'zbekiston nega bizga yordam bermayapti"? "Bizni birma-bir qirib tashlashayapti, nega o'zbek qardoshlarimiz jim"? degan savollar bermoqda.

Ayrim o'zbeklar nazarida Islom Karimov ma'muriyati aralashib, vaziyatni tinchita olishi mumkin. Ular 1990-yillar boshida yuz bergan qonli, etnik to'qnashuvlarni bartaraf etishda Karimov vositachilik qilganini yodga olmoqda.

O'sh bilan telefonda bog'lanish qiyin kechmoqda. Ma'lumot uzatishni istaganlar uzbek@voanews.comga yozishlari mumkin. Qolaversa "Amerika Ovozi" bilan Facebook yoki Twitter xizmatlari orqali ham aloqaga kira olasiz.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

XS
SM
MD
LG