Suriya xalqaro kuzatuvchilarga eshigini ochgani yo’q va Arab Ligasi bundan g’azabda.
Bugun Qohirada yig’ilgan diplomatlar Suriyaga qarshi sanksiya qo’yish masalasini ko’rib chiqdi.
22 davlat a’zo Arab Ligasi qo’zg’olonlar davom etayotgan va hukumat qonli chora ko’rayotgan bu mamlakatga havo yo’nalishlarini yopmoqchi va Suriya bilan savdo va moliyaviy aloqalarni, ya’ni bank transaksiyalarini to’xtatmoqchi.
Kechaning o’zida Damashq ko’chalarida 27 fuqaro o’lgan. Ular orasida xavfsizlik xodimlari ham bor.
Prezident Bashar al-Assad xalq talabiga bosh egmoqchi emas. Shaharma shahar namoyishlar ketidan namoyishlar.
Qozg’olon mart oyida boshlangan edi. Shu kungacha 3500 dan ortiq odamning yostig’i quridi.
Xavfsizlik organlari qiynoqlarga zo’r berayotgani haqida xabarlar tinmaydi. BMT ma’lumotlariga ko’ra azoblanayotganlarning aksariyati yoshlar va bolalar.
Suriyadagi manzara:
