O’tgan yil mobaynida yuz bergan qator voqealar tufayli orada hamkorlik deyarli to’xtab qolgan, xususan Afg’onistonga yuk yetkazuvchi yo’llar yopiq edi.
Pokiston ahli AQShga nisbatan qanchalik nafratda ekanini namoyishlardan bilsa bo’ladi. G’azab oloviga moy sepgan so’nggi voqea – o’tgan yil noyabrda AQSh havo kuchlari Pokiston chegara postini bombardimon qilgani bo’ldi.
Hujum pokistonlik 24 zobitni hayotdan olib ketgan edi. Mamlakat armiyasi rahbari general Ashfaq Kiyani Peshovar shahriga borib, dafn marosimida shaxsan qatnashgan.
Bu voqeadan bir necha oy oldin esa AQSh maxsus kuchlari Islomobod yaqinida al-Qoida yetakchisi Osama bin Ladenni topib, yo’q qilgani oradagi oz ishonchni ham yemirgan edi.
Noroziligini namoyish etish uchun, Pokiston qo’shni Afg’onistonga, NATO qo’shinlariga yuk eltuvchi yo’llarni yopdi.
London Universiteti olimi Metyu Nelson fikricha, ilgarigi yaqinlik haqida gap bo’lishi mumkin emas.
Pokiston yaqinda bir sammitga mezbonlik qildi. Yadroviy dasturi yuzasidan savolga tutilayotgan Eron rahbari Mahmud Ahmadinejod ham unga taklif etilgan.
AQSh ham yaqin orada Islomobodga o’z vakillarini yubormoqchi. Jumladan Janubiy va Markaziy Osiyo bo’yicha qomondoni Jeyms Mattisni.
Afg’onistondagi xalqaro qo’shin rahbari general Jon Allenning aytishicha, ginalarni chetga surib, aloqani yaxshilashga har ikki tomon intilishi kerak.
Olim Metyu Nelson, region tinchligi eng muhimi, deydi.
“Pokiston barqarorligi Vashington strategik ahamiyat kasb etadi. To’g’ri, Afg’oniston muhim, lekin Pokiston undan-da muhim”.
Ekspertlar fikricha, AQSh Pokiston bilan aloqani yaxshilash uchun birinchi navbatda bu xalq ishonchini qozona olishi darkor. Biroq bu oson ish emas.
Pokistonda parlament saylovlari yaqinlashgan sari Amerikaga qarshi bayonotlar ham balandroq yangramoqda.
