Donbass frontga aylanmoqda

Ukrainada urush mamlakat sharqi Dobnassga ko’chmoqda. Bu hududlardagi aholi keskin janglar arafasida ogohlikka, imkoniyat borida shaharlarni tark etishga chaqirilmoqda.

Bungacha jiddiy tahdid ostida ko’rilgan Kiyevda sekinlik bilan hayot tiklanib, shaharni tashlab chiqqan aholi qaytishni boshlagan.

Ammo Kiyev hokimi Vladimir Klichko qaytish istagidagi aholini shoshmaslikka chaqirib, xavf darajasi yuqori ekani haqida ogohlantirmoqda.

Haqiqatda Rossiya qo’shinlari Kiyev atrofidan olib chiqilganiga qaramasdan poytaxt havo zarbalari ehtimolidan xoli emas. Bunday hujumlardan ogohlantiruvchi sirenalar ovozi tinmagan.

Ayni paytda poytaxt atrofidagi shaharlarni, jumladan jiddiy qirg’in kuzatilgan Bucha shahrini ham Rossiya armiyasi tomonidan qoldirilgan minalardan tozalash ishlari davom etyapti.

Tomonlar o’rtasidagi ashaddiy janglar esa sharqiy viloyatlarga ko’chgan. Ukraina harbiy texnik yordamga muhtoj. Kiyev AQSh va Yevropa davlatlaridan qo'shimcha yordam so'ramoqda.

Embed share

Ukrainada urush Donbassga ko'chayapti

Embed share

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:03:09 0:00

Yuklab oling

• 240p | 9,0MB
• 360p | 13,9MB
• 480p | 21,5MB
• 720p | 48,1MB
• 1080p | 76,9MB

Hozirda AQSh Ukrainaga harbiy madad va’da qilgan. NATO a’zolari bu borada muhokamani davom ettirmoqda.

Kiyev atrofida kuzatilgan qirg’inlarga doir ma’lumot tomonlar o’rtasidagi muzokaralarga ham ta’sir o’tkazgan. Rossiya bu qirg’inni inkor qilib, muzokaralarni to’xtatish uchun o’ylab topilgan sahna deb atadi.

Ammo Prezident Volodimir Zelenskiy Rossiya armiyasini harbiy jinoyatlariga qaramasdan Ukraina baribir muzokara qilishga majburligini ta’kidlagan.

Muzokaralardagi eng ziddiyatli mavzu aynan hududlar, xususan Donbass masalasidir.

Rossiya armiyasi asosiy kuchini Donbassga tashlab, bu hududda o’ta og’ir janglar kutilmoqda. Ukraina hukumati aholini bu hududlarni tark etishga chaqirmoqda.

Urush qochqinlari soni yanada oshishi mumkin. Hozirgacha qariyb 4 million fuqaro mamlakatni tark etgan. 10 milliondan oshig’i esa mamlakat ichkarisida qochqinga aylangan.

Rossiya-Ukraina urushi 24-fevralda boshlangan. So’ngi haftada urush maydonidagi vaziyat o’zgargan. Rossiya armiyasi Kiyevni, markaziy shaharlarni egallash maqsadidan voz kechib, asosiy kuchini Donbass ishg’oliga jalb etmoqda.