Learning English
VOA
site logo site logo
Oldingi Keyingi
Breaking News
AQSh-Markaziy Osiyo

Vashingtonda qirg'izlar namoyish qildi

Vashington, 25-oktabr, 2023
Vashington, 25-oktabr, 2023
Vashington — 

25-oktabr kuni o'nga yaqin qirg'izistonlik davlatining AQShdagi elchixonasi oldidagi norozilik namoyishida vatanda inson huquqlarini hurmat qilishga chaqirdi.

Filadelfiya, Vashington va boshqa shaharlarda yashaydigan bu muhojirlar nazarida Qirg'izistonda vaziyat og'irlashib bormoqda, chunki qonun ustuvorlik qilmay qo'ygan, tuzumning o'zi huquqbuzar.

Qirg’iz norozilik namoyishi -- Kyrgyz protest in Washington (1)
Embed
Qirg’iz norozilik namoyishi -- Kyrgyz protest in Washington (1)

No media source currently available

0:00 0:19:21 0:00
Yuklab oling

Bu faollarga ko'ra, Qirg'iziston endi erkin jamiyat emas, aksincha o'tgan uch o'nyillikda qo'lga kiritilgan demokratik yutuqlar bugun boy berilib, matbuot erkinligi cheklanmoqda, siyosiy huquqlar har kuni poymol etiladi, muxolifat tazyiq ostida va hukumat har qanday tanqidiy ovozni o'chirish payida.

Namoyishchilardan ayrimlari vatanda qamoqda o'tirib chiqqan. Ular elchixonadan emas, bu elchixona aks ettiradigan hukumatdan norozi.

Tashkilotchi Aydar Rayev deydiki, gap namoyishchilarning oz sonli ekanida emas, ular bildirayotgan dard va qo'yayotgan talablarda. Har bir fuqaro davlatidan adolat talab qilishga haqli va qilishi kerak, deydi Rayev.

Namoyish uzoq kechmadi. Guruhni elchixona ichkariga taklif qildi. Elchi Baktibek Amanbayev bilan qisqa muloqot kechdi.

Uchrashuv konstruktiv kechmadi, aksincha salbiy ruhda tugadi, deydi faollar.

Vashington, 25-oktabr, 2023
Vashington, 25-oktabr, 2023

Biroq bu qirg'izlarning ishonchi komil: namoyishda ko'tarilgan masalalar va Vashingtonda yangragan nolalar Bishkekka allaqachon yetib borgan.

AQSh hukumatidan iltimos shuki, deydi faollar, respublikadagi qonunbuzarliklarga ko'z yummasin, Vashington Qirg'iziston xalqi tarafida bo'lsin, aloqalarda uning manfaatlarini hisobga olsin.

Bir paytlar Qirg'iziston Markaziy Osiyoning eng erkin jamiyati edi. Xalq o'z matbuoti bilan faxrlanar edi. Hozir soha cheklovlar girdobida.
Buni ham ko'ring

Qirg'izistonda media erkinlik yanada cheklanishi mumkin

Qirg'iziston rahbari Sadir Japarov va uning ma'muriyati huquqni hurmat qilishini, qonunga bosh egishini, xavfsizlik va erkinlikni ta'minlash uchun qattiq ishlayotganini da'vo qiladi.

Bugun Bishkekda parlament qabul ma'qullagan loyihalar Qirg'izistonda "xorijiy vakil" degan maqom joriy etib, chet eldan moliya olib ishlayotganlarni alohida tamg'alashni ko'zlaydi.

Inson huquqlari tashkilotlari, mamlakatda va xorijda, bu tashabbusni qoralamoqda.

"Xorijiy vakil" tashabbusi hukumatdan chiqqan va mazmunan, Rossiya hamda boshqa repressiv rejimlar tanishtirgan qonunlarga o'xshaydi. Uning vositasida, deydi huquq himoyachilari, Bishkek G'arb ta'siriga qarshi kurashmoqchi, demokratiyani so'ndirmoqchi. Japarov ma'muriyati buni inkor etadi.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

Back to top
XS
SM
MD
LG