Qozog'iston Ichki ishlar vazirligining bildirishicha, poytaxt Ostonada milliy xavfsizlik qo'mitasi yonida avtomobil portlagan, ikki kishi o'lgan.
Rasmiylar nazarida buni terror xuruji deya ta'riflashga hali erta.
Qozog'istonda bir hafta ilgari Aktyubinsk viloyati milliy xavfsizlik qo'mitasi oldida bir shaxs o'zini portlatgan edi. O'shanda ikki kishi jarohatlangan.
G'arb davlatlari tavsiyasi asosida siyosiy va iqtisodiy ishlohotlarni amalga oshirishga intilayotgan Qozog'iston uchun bunday hujumlar anchayin yot sanaladi.
Lekin matbuot xabariga ko'ra, Tolibon 21 may kuni e‘lon qilgan bayonotida Qozog‘istonni Afg‘onistondagi urushda ishtirok etmaslik haqida ogohlantirgan.
Bu davlat parlamenti quyi palatasi Afg‘onistonda xalqaro koalitsiya amaliyotlarida qatnashishga doir bitimni ma'qullagan edi.
