Learning English
VOA
site logo site logo
Oldingi Keyingi
Breaking News
Yangiliklar

Qirg'iziston parlamenti: Xalqaro komissiya raisi mamlakatga qadam bosmasin

Kimmo Kilyunen (o'rtada) Yevropada Xavfsizlik va Hamkorlik Tashkiloti Parlament Assambleyasi a'zosi
Kimmo Kilyunen (o'rtada) Yevropada Xavfsizlik va Hamkorlik Tashkiloti Parlament Assambleyasi a'zosi

Finlyandiyalik arbob Kimmo Kilyunen (Kiljunen) o'tgan yili O'sh va Jalol-Obodda yuz bergan xunrezliklar yuzasidan tekshiruv olib borgan xalqaro komissiya raisi. Bu hay'at Qirg'iziston rahbariyati iltimosiga ko'ra tuzilgan va maqsad fojiaga yetaklagan sabablar va uning oqibatlarini oydinlashtirib, kelajakda bunday hollar takrorlanmasligi uchun xizmat qilishi kerak edi.

O'tgan yilning avgustida boshlanib, 2011 yilning fevralida yakunlangan, Qirg'iziston hukumati tomonidan bir oy ko'rib chiqilib, undan keyingina omma e'tiboriga havola etilgan hisobot ko'plab ziyolilar, mutaxassislar va siyosatchilar nazarida haqiqatni aks ettiradi.

Lekin Qirg'iziston parlamenti spikeri, "Ata Jurt" partiyasi yetakchisi Akmatbek Keldibekov fikricha Kilyunen raislik qilgan komissiya ishni eplolmagan va noxolis bir tahlil taqdim etgan.

Xulosalardan biri shuki, xunrezlikda asosan o'zbeklar aziyat chekkan. Ularga qarshi hujumlarda xavfsizlik organlari va ichki ishlar xodimlari ham ishtirok etgan. Komissiya ta'biricha, ayrim jinoyatlarni "insoniyatga qarshi jinoyat" deb atash mumkin.

Parlament xalqaro komissiya ishidan norozi
Parlament xalqaro komissiya ishidan norozi

26 may kuni Qirg'iziston parlamenti Kimmo Kilyunenni mamlakatga kiritmaslik uchun ovoz berdi.

Parlament bayonotiga ko'ra, Kilyunen va uning komissiyasi etnik nafrat uyg'otuvchi va Qirg'iziston davlat xavfsizligiga raxna soluvchi material tayyorlagan.

Komissiya hisoboti bilan mana bu yerda bafurja tanishishingiz mumkin.

Kilyunen taqiq va tanqidni inkor etadi. Komissiya ishni professional ravishda bajargan va Qirg'iziston hukumati va ommasi hisobotni jiddiy qabul qilib, tegishli xulosa chiqarishiga umid bor edi, deydi u. Uning fikricha, faktlar - achchiq haqiqat va ular Qirg'iziston siyosiy doiralariga yoqmasa nachora.

BMT, Yevropa Ittifoqi va AQSh hisobotni ijobiy baholab, bu hujjatning elatlararo birdamlikka hissa qo'shishiga umid bildirgan.

Xalqaro komissiya Yevropada Xavfsizlik va Hamkorlik Tashkiloti qoshida ishladi. Kilyunen bu organning parlament assambleyasi a'zosi.

Assambleya a'zo davlatlarning qonunchilik organlari orasida muloqotni yo'lga qo'yish, hamkorlikni oshirishni maqsad qilgan. Markaziy Osiyoning barcha respublikalari, xususan Qirg'iziston ham u yerda o'z a'zolariga ega.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

Back to top
XS
SM
MD
LG