Learning English
VOA
site logo site logo
Oldingi Keyingi
Breaking News
Markaziy Osiyo

BMT Bosh kotibi Pan Gi Mun Markaziy Osiyoda - tashrif nimasi bilan muhim?

BMT Bosh kotibi Pan Gi Mun oxirgi marta mintaqaga 2010-yilda safar qilgan
BMT Bosh kotibi Pan Gi Mun oxirgi marta mintaqaga 2010-yilda safar qilgan
VASHINGTON — 

Birlashgan Millatlar Tashkiloti Bosh kotibi Pan Gi Mun Markaziy Osiyo bo'ylab safarda. 9-12 iyun kunlari orasida u mintaqaning besh respublikasida bo'lib, rahbarlar va jamoatchilik bilan muloqot qilib, eng yirik xalqaro organning asosiy maqsadlarini muhokama qilmoqda.

Bosh kotib idorasining bildirishicha, atrof-muhit muhofazasi, qoradori savdosiga qarshi kurash, ichimlik suvi ta'minoti va iqlimdagi salbiy o'zgarishlar singari masalalar muzokaralarda asosiy o'rinda bo'ladi.

Pan Gi Mun safar oldidan BMT axborot xizmatiga bergan intervyusida inson huquqlari dolzarb masala ekanini eslatdi.

Mintaqa hukumatlari xalqaro majburiyatlarini ado etishi lozim, BMTning tegishli organlari bilan yaqindan hamkorlik qilishi zarur, dedi rasmiy.

BMT Bosh kotibi Markaziy Osiyoga borishi haqida xabar tarqalishi bilanoq inson huquqlari tashkilotlari Pan Gi Munni xat va bayonotlarga ko'mib tashladi.

Tabiiy, deydi faollar, chunki mintaqada tub muammo huquq tobora cheklanib borayotganidir.

Jahon organi oldiga qo'ygan asosiy maqsadlardan biri - inson erkin va farovon yashashga haqli ekanini ta'minlash.

Pan Gi Mun Markaziy Osiyo rahbarlari bilan avvalo shu xususda gaplashishi, konkret muammolarni ko'tarib, konkret o'zgarishlar talab qilishi kerak, deya bildiradi inson huquqlari bo'yicha xalqaro tashkilotlar.

Londonda asoslangan Xalqaro Amnistiya va Nyu-Yorkda asoslangan "Human Rights Watch" BMTda O'zbekiston bilan shug'ullanadigan alohida organ bo'lsin, maxsus idora tashkil etilsin deya bong urib kelmoqda.

Bu borada BMT qarorgohi, AQSh va Yevropa Ittifoqi tashqi ishlar vazirliklariga murojaatnomalar va maktublar yozilgan. Andijon fojiasining 10 yilligi munosabati bilan G'arb davlatlarida kechgan tadbir va muloqotlarda ham bu taklif muhokama qilindi.

Majburiy mehnatga qarshi targ'ibot olib borayotgan "Paxta kampaniyasi" O'zbekiston prezidenti Islom Karimov va boshqa rasmiylar bilan uchrashuvlarda paxta dalalarida odamlarni zo'rlab ishlatishga chek qo'yishni so'rang, deya murojaat qilmoqda.

Toshkent, 2010-yil
Toshkent, 2010-yil
Orol dengizi, 2010-yil
Orol dengizi, 2010-yil

Xo'sh, bu chaqiriqlar nima samara berishi mumkin? BMT Bosh kotibi huquq va repressiya yuzasidan rahbarlar bilan qanchalik ochiq muloqot olib borishi mumkin?

Birlashgan Millatlar Tashkiloti tanqidchilari nazarida rasmiy idoraning roli pasayib ketgan, loyihalarning samarasi past, vakolatxona mezbon hukumat qo'lida o'yinchoq.

Qonun ustuvorligi, erkinliklar, xalq va hukumat orasidagi munosabatlar singari tub masalalarga e'tibor qanchalik?

2010-yildagi tashrifida Pan Gi Mun Orol dengizini borib ko'rgan. Manzara unga qattiq ta'sir qilganini aytgan edi o'shanda. Yaqinda bergan intervyusida ham bu borada gapirdi. Qanday choralar ko'rildi shundan beri? Umuman, bu tashrifdan nima naf bo'ldi?

Suv ta'minoti masalasida BMT nimalar qila oladi va mintaqaviy ziddiyatlarni hal etishda qanday rol o'ynashi mumkin?

Bu savollar bilan biz tashkilotning O'zbekistondagi idorasida faoliyat yuritgan Gulnoza Saidazimovaga murojaat qildik. Mutaxassis Pan Gi Munning 2010-yildagi safarini bevosita kuzatgan, chunki o'sha paytda vakolatxonaning matbuot xizmatini boshqargan va parda ortidagi masalalar bilan tanish.

Marhamat, suhbatimizni tinglang:

BMT Bosh kotibining Markaziy Osiyoga safaridan nima kutish mumkin? O'zbekiston - Gulnoza Saidazimova - Navbahor Imamova
Embed
BMT Bosh kotibining Markaziy Osiyoga safaridan nima kutish mumkin? O'zbekiston - Gulnoza Saidazimova - Navbahor Imamova
by Amerika Ovozi

No media source currently available

0:00 0:12:51 0:00
Yuklab oling
  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

Back to top
XS
SM
MD
LG