Pekin, Toshkent, Dushanbe, Bishkek, Ashgabat va Nur-Sulton bosh diplomatlari ikki kun davomida bir davrada va ikki tomonlama muzokaralarda bo'ldi.
Rasmiy bayonotlarga ko'ra, vazirlar siyosiy diaologni kengaytirish, barqarorlikni saqlash, savdo, investitsiya, moliya, ilm-fan va texnologiya, transport-kommunikatsiya, suv-energetika, axborot texnologiyalari, ekologiya, yashil energiya manbalari va madaniy-gumanitar sohalarda hamkorlik haqida gaplashib olgan.
Markaziy Osiyo va Xitoy orasida havo aloqalarini qayta yo’lga qo’yish, fuqarolar qatnovi uchun sharoitni yaxshilash, reyslarni bosqichma-bosqich tiklash, yuklar va sayyohlar oqimini koʻpaytirishga ham e'tibor qaratilgan.
Xitoy Tashqi ishalr vazirl Van I uning davlati Markaziy Osiyo xavfsiz va barqaror yashashidan manfaatdor ekanini bildirgan.
"Tomonlar Afg‘onistonni tinch yo‘l bilan tiklashga ko‘maklashish, bunda, jumladan, xalqaro hamjamiyat bilan hamkorlik qilish masalalari yuzasidan fikr almashdilar", - deyiladi Toshkent bergan ma'lumotda.
O'zbekiston hukumatiga ko'ra, "Afg‘onistonda fuqarolar tinchligi va totuvligiga erishishga ko‘maklashish, gumanitar inqirozni imkon qadar tezroq yengib o‘tish va ushbu mamlakatning ijtimoiy-iqtisodiy infratuzilmasini tiklash, uni jahon iqtisodiy munosabatlariga jalb etishdan barcha tomonlar birday manfaatdor".
Bu orada Shanxay hamkorlik tashkiloti unga hozirda raislik qilayotgan Toshkentda a'zo mamlakatlarning sog'liqni saqlash vazirlari uchun anjuman o'tkazgan. Bu hafta O'zbekiston poytaxtida tashkilot yoshlar kengashi ham yig'iladi.
Sentabr oyida esa Samarqandda blok sammiti o'tishi kutilmoqda.