Qozog'iston prezidenti Nursulton Nazarboyev uch kunlik tashrif bilan Xitoyda.
Savdo aloqalarini kuchaytirish va strategik masalalar muhokama etilmoqda.
Tashrif Xitoyning Markaziy Osiyodagi bu davlatda roli tobora oshib borayotganidan dalolat beradi.
Bugun Nazarboyev Xitoy prezidenti Xu Tsintao, Bosh vaziri Ven Jiabao va boshqa rasmiylar bilan uchrashib, qator bitimlar imzoladi.
Qozog'iston prezidenti Xitoyda
Xitoyga 55 ming tonna uran sotish, Qozog'iston neft sanoatini rivojlantirish uchun Xitoydan besh milliard dollarlik kredit olish borasida shartnomalarga qo'l qo'yildi.
Shuningdek, Qozog'iston davlat ijtimoiy jamg'armasi uchun 1,7 milliard dollarlik zayom olish, Ostona-Almati yo'nalishida tezyurar poyezd yo'lini tushirishda Xitoydan yordam olish ko'zlanmoqda. Yo'l 2015 yilgacha bitadigan.
Xitoy g'arbidan Qozog'istonga oqayotgan daryolar suvi sifatini nazorat qilishga doir bitim ham muhokamada.
Qozog'istonda ayni damda mingdan ziyod Xitoy kompaniyalari ishlaydi. Ikki tomonlama savdo aylanmasi o'tgan yili 20 milliard dollar bo'lgan.