Prezidentlikka da'vogar to'rt respublikachi bugun uch yirik shtatda partiya nomzodligi uchun bellashdi.
Minnesota shtatida sobiq senator Rik Santorum ko'pchilik ovozni qo'lga kiritgan. Missuri va Kolorado respublikachilari nazarida ham u Oq Uyga munosib arbob.
Shtatma-shtat o'tadigan saralash jarayonida va reytinglarda, umuman olganda, Massachusetts shtati sobiq gubernatori Mitt Romni oldinda ketmoqda.
Lekin bugungi g'alaba manzarani bir oz bo'lsa-da, o'zgartirsa ajabmas.
Mitt Romni 2008-yilda ham prezidentlik uchun kurashganida Kolorado respublikachilari uni quvvatlagan.
Ammo nomzodlikni Romni Jon Makkeynga boy bergan edi. Makkeyn esa prezidentlikka saylana olmagan.
Rik Santorum
Oq Uyga da'vogar boshqa arboblar, Nyut Gingrich va Ron Pol, poygada ancha orqada lekin harakatni davom ettirmoqda.6-mart kuni 10 shtat birvarakayiga ovoz beradi. Undan keyin respublikachilardan prezidentlikka nomzod kim bo’lishi yanada oydinlashadi.
Nomzod 6-noyabrda umummamlakat saylovida amaldagi rahbar, demokrat Barak Obama bilan bellashadi.