Millionlab amerikaliklar nafaqa davri uchun rejalayotgan sarmoyasini xavf ostiga qo’yib, balog’atga yetgan farzandlari uchun moliyaviy manba vazifasini bajaradi.
Your browser doesn’t support HTML5
Kap-katta farzandlariga milliardlab sarflayotgan ota-onalar
“Farzandni dunyoga keltirish butun umrlik mehnat degani. Ona-onalar kap-katta bolalariga nafaqa jamg’armasiga qo’yadigan mablag’idan ikki baravar ko’proq sarflaydi”, - deydi bankir Surya Kolluri.
Uning banki, Bank of America, olib borgan tadqiqotga ko’ra, 79 foiz ota-onalar farzandining kundalik xarajatlarini qoplashga ko’maklashadi. Buning uchun yiliga 500 milliard dollar sarflashadi.
Bu summa ichida ota-onalarning farzandlariga to’yona qilib beradigan cheklar hisoblangani yo’q. Shunigndek, uy sotib olishda ham ota-onalar katta xarajat qilishadi.
“Ota-onalar farzandlarini moliyaviy qo’llab-quvvatlayotganday tuyulishi mumkin, lekin aslida ularning o’z jamg’armasi zaiflashib, bora-bora farzandlarining qo’liga qarab qolishi ham mumkin”, - deydi Kolluri.
82 foiz ota-onalar farzandlari uchun o’zini moliyaviy qurbon qilishga tayyor. 43 foiz ota-onalar o’zlari yemay, farzandlariga yediradi, kiymay, kiydiradi.
25 foiz ota-onalar nafaqaga jamg’argan sarmoyasini nafaqaga yetmasdan farzandlari uchun sarflashni boshlaydi.
Bunday holatlar, ayniqsa, kelib chiqishi Osiyo, Afrikadan yoki ispanzabon bo’lgan etnik guruhlar orasida kuchli.
Tadqiqotlarga ko’ra, bunday yo’l tutadigan ota-onalarning deyarli yarmi farzandlari bilan moliyaviy masalalarda muayyan bir chegara yaratmaganidan afsuslanishadi.
“Yoshlarni o’z byudjetini boshqarishga o’rgatish oson emas. 59 foiz ota-onalar farzandlariga samarali investitsiya qilishni o’rgatdik deb o’ylashadi. Vaholanki, 31 foiz o’smirlar byudjet boshqarishni ota-onasidan o’rganganini tasdiqlaydi, xolos. Bu degani faqatgina yarmi. Demak, bolalarga moliyaviy bilim berishni, byudjet boshqarishni bolalarning katta bo’lishini kutmasdan uqtiraverish kerak”, - deydi Kolluri.