Learning English
VOA
site logo site logo
Oldingi Keyingi
Breaking News
Huquq va qonun

O'zbekiston jamiyati fidoyi a'zosidan ayrildi

Vasila Inoyatova, "Ezgulik" inson huquqlari tashkiloti rahbari, jafokash inson edi
Vasila Inoyatova, "Ezgulik" inson huquqlari tashkiloti rahbari, jafokash inson edi
VASHINGTON — 

"Ezgulik" inson huquqlari jamiyati asoschisi, 30 yildan oshiq davrdan beri O'zbekistonda erkinlik va adolat uchun kurashib kelgan Vasila Inoyatova 19-may kuni Toshkentda kasalxonada olamdan o'tdi. Oila a'zolariga ko'ra, huquq himoyachisi og'ir jarrohlik amaliyoti paytida jon bergan.

Vasila Inoyatova yaqinda 62 bahorini qarshilagan edi. O'tgan ikki yil mobaynida u 20 dan ortiq siyosiy mahbusning ozod etilishida faol hissa qo'shib, bu boradagi ma'lumotlarni nafaqat O'zbekiston ahli balki xalqaro hamjamiyat bilan ulashib kelar edi.

Vasila Inoyatova mustaqillikning ilk kunlaridanoq qonun ustuvorligini ta'minlash, erkinlik va huquq uchun jonbozlik ko'rsatgan. Davlat rahbarini haqorat qilganlikda ayblanib, panjara ortida o'tirib chiqqan. Lekin kurashni to'xtatmagan.

Vasila Inoyatova Toshkentdagi idorasida, 2018
Vasila Inoyatova Toshkentdagi idorasida, 2018

Vasila Inoyatova huquq borasida O'zbekistondagi eng ishonchli manbalardan biri edi. Xalqaro tashkilotlar bilan hamkorlik qilishda, axborot vositalari bilan aloqada, xorijdagi vatandoshlar, xususan faollar va muxolifatchilar bilan muloqotda Vasila Inoyatovaga teng keladigan huquqbon yo'q edi.

"Ezgulik" rasman ro'yxatga olingan paytda ham, keyinchalik siyosiy bosim va repressiya avjiga chiqqanida ham, hayoti doimiy ravishda xavf ostida bo'lsa-da, Vasila Inoyatova minglab insonlarning hayoti, ularning nohaq qamalmasligi va hibsda qiynoqqa solinmasligi uchun kurashgan.

"Amerika Ovozi" bilan Toshkentdan turib, shuningdek, Vashingtonga kelgan paytidagi suhbatlarida o'z faoliyatini tushuntirar ekan, maqsadi ezgu ekani hamisha ayon edi.

Vasila Inoyatova O'zbekistonda xalqning huquqlari, har bir fuqaroning erkinliklari hurmat qilinsin, der edi. Adolat talab qilish tabiiy emasmi, deya boshqalarni ham nohaqliklarga ko'z yummaslikka undar edi.

Sizga Vasila Inoyatova bilan 2010 va 2011 yillarda qilgan muloqotimizni taqdim etamiz. Marhum kuchli ovoz egasi edi. Bu qudrat asosida o'ziga va adolatga nisbatan ishonch va talab yotar edi.

Vasila Inoyatova bilan Vashingtonda yuzma-yuz suhbat, 2 aprel 2011, Navbahor Imamova/ Amerika Ovozi
Embed
Vasila Inoyatova bilan Vashingtonda yuzma-yuz suhbat, 2 aprel 2011, Navbahor Imamova/ Amerika Ovozi
by Amerika Ovozi

No media source currently available

0:00 0:00:00 0:00
Yuklab oling

Embed
Vasila Inoyatova bilan suhbat
by Amerika Ovozi

No media source currently available

0:00 0:00:00 0:00
Yuklab oling

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

Back to top
XS
SM
MD
LG