Learning English
VOA
site logo site logo
Oldingi Keyingi
Breaking News
Matbuot

Minbar.uz kimning minbari bo'ladi?

Tadbirboz va qarsakboz O'zbekistonda tahliliy jurnalistika bilan shug'ullanish - ulkan sinov. Jamshid Niyozov bilan suhbatga asoslanib aytish mumkinki, Minbar.uz shunday muhim va arzigulik vazifani o'z bo'yniga olmoqda.

TOSHKENT — 

Mart oyida ochilgan axborot portali Minbar.uz tahliliy materiallar berib, omma e'tiborini qozonmoqchi. Axborot ham mahsulot. Sifatli mahsulot esa izchil mehnat talab qiladi, deydi sayt asoschilaridan biri va rahbari Jamshid Niyozov, "Amerika Ovozi" bilan Toshkentda suhbatda.

U bilan bir davrada to'planib, ushbu loyiha ustida ishlayotganlar o'tgan ikki yilda jamoatchilik nazariga tushgan axborot manbalarida chiniqqan jurnalistlar. Lekin Minbar.uz oldingidek bir kishi yoki bir organga qaram emas va bo'lishni istamaydi, deydi Niyozov.

Minbar.uz: O'zbekistonda axborot olish hali ham qiyin
Embed
Minbar.uz: O'zbekistonda axborot olish hali ham qiyin
by Amerika Ovozi

No media source currently available

0:00 0:25:28 0:00
Yuklab oling

​Bu safar mustaqillik juda muhim. Ammo bunga erishish va mustaqillikni ushlab turish naqadar mushkul ekanini Niyozov kabi tajribali muharrirlar yaxshi biladi.

Uning aytishicha, O'zbekistonda axborot yig'ish hamon qiyin. Mutasaddilar bilan gaplashish amrimahol, chunki ular ko'p hollarda qo'rqadi yoki media bilan ishlab o'rganmagan.

Shu bois ham hozircha O'zbekistonda rasmiylar Axborot va Ommaviy kommunikatsiyalar agentligi singari idoralarda jurnalistlar oldiga chiqmoqda. O'zbekiston24 davlat telekanalining "Xalqaro Press Klub" dasturida ham ko'rinib turishadi. "Taraqqiyot" strategiyasi markazi yoki "Yuksalish" milliy harakati tadbirlarida ham qatnashishadi.

Tadbirboz va qarsakboz O'zbekistonda tahliliy jurnalistika bilan shug'ullanish - ulkan sinov. Jamshid Niyozov bilan suhbatga asoslanib aytish mumkinki, Minbar.uz shunday muhim va arzigulik vazifani o'z bo'yniga olmoqda.

Lekin jurnalistlarga muayyan savollarga javoblar kerak.

Niyozov deydiki, Minbar.uz uchun tadbirlar qiziq emas. Portal tekin targ'ibot bilan shug'ullanmaydi, deydi u, kimgadir targ'ibot kerak bo'lsa, "pulini to'lab qo'yishsin".

Targ'ibot boshqa, jurnalistika boshqa. Jurnalistik material sanalishi uchun e'tibordagi masala tahlil qilinishi kerak, xolis bayon etilishi lozim.

Hukumatning eng tepasida o'tirganlardan tortib viloyat va tumanlarning hokimlarigacha, Oliy Majlis a'zolaridan tortib agentliklar va qo'mitalarning rahbarlari-yu, xususiy va nohukumat sektorni tebratayotganlargacha, ular bilan yuzma-yuz, ochiq munozara olib boradigan mustaqil platforma hali shakllanmagan.

Mamlakat astalik bilan bo'lsa-da oshkoralik tomon intilaveradi, degan umid kuchli. Minbar.uz mana shu jarayonga o'z salmoqli hissasini qo'shmoqchi.

Minbar.uz uchun gap sonda emas, sifatda, deydi Niyozov. Saytdan kundalik yangiliklarni soatma-soat yoritishni kutmang.

Kadrlar yetishmovchiligi OAVlarda ham eng chuqur ildizli muammo. Treninglar, malaka oshirish imkoniyati va mahorat darslariga talab har doim yuqori.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

XS
SM
MD
LG