Learning English
VOA
site logo site logo
Oldingi Keyingi
Breaking News
AQSh-Markaziy Osiyo

Pentagondan O'zbekiston harbiylariga eksklyuziv tabrik

AQSh Mudofaa vaziri Lloyd Ostin
AQSh Mudofaa vaziri Lloyd Ostin
VASHINGTON — 

AQSh Mudofaa vazirining Afg’oniston, Pokiston va Markaziy Osiyo masalalari bo’yicha muovini Rebekka Zimmerman bu hafta Pentagondan turib, O’zbekiston qurolli kuchlariga eksklyuziv tabrik yo’lladi. Amerika hukumati shu tariqa O’zbekistonni Vatan himoyachilari kuni bilan qutladi.

“O‘zbekiston suvereniteti va mustaqilligini qo‘llab-quvvatlash harbiy aloqalarimizning asosi bo‘lib kelgan va shunday bo‘lib qoladi“, - deydi Zimmerman.

“Qo‘shma Shtatlar O‘zbekistonni strategik hamkor sifatida qadrlaydi. O’zbekistonning munosabatlarimizni kuchaytirish hamda Markaziy Osiyoda xavfsizlik va barqarorlikni mustahkamlashga qo‘shgan hissasini yuqori baholaymiz”, - deydi Pentagon rasmiysi.

Zimmerman deydki, O’zbekistonda 30 yil oldin armiya tashkil etilganidan beri ikki mamlakat xavfsizlik sohasida samarali hamkorlikni yo’l qo’ya olgan. Harbiylar muntazam ravishda qo‘shma o‘quv mashg‘ulotlarini o‘tkazadi, axborot almashadi, rishtalarni kengaytirishga bel bog’lagan.

Bu hamkorlikdan maqsad mintaqaviy va xalqaro tahdidlarning oldini olish, deydi Zimmerman, jumladan terrorizm va narkotik moddalar savdosiga qarshi kurashish, chegara xavfsizligini taʼminlash, xavfsizlik kuchlarining mahoratini oshirish va qonun ustuvorligini targ’ib qilish.

Rossiya yetakchiligidagi Kollektiv Xavfsizlik Shartnomasi Tashkiloti 10-yanvar kuni virtual majlis o'tkazib, Qozog'istondagi vaziyatni muhokama qildi. Armaniston, Qozog'iston, Qirg'iziston, Tojikiston, Belarus va Rossiya a'zo.
Buni ham ko'ring

AQSh ekspertlari Qozog'istondagi voqealarni qanday tahlil qilmoqda?

AQSh 20 yil davomida Afg’onistonda harbiy harakatlar olib borgan paytda Oʻzbekiston unga yordamlashgan va qo’shni mamlakat barqarorligiga hissa qoʻshgan, deydi rasmiy.

“O‘zbekiston Afg‘oniston tinch bo’lmasa, Markaziy Osiyo ham tinch bo’lmasligini birinchilardan bo’lib tan olgan sherikdir. O‘zbekiston Afg‘onistonda tinchlikka erishish uchun AQSh va uning mintaqadagi hamkorlari bilan mudofaa sohasida birga ishlashda davom etmoqda”, - deya e’tirof etadi Zimmerman.

“Terrorchilar Afg‘oniston hududidan AQSh yoki ittifoqchi va hamkorlarimizga hujumlar rejalashtirish uchun foydalana olmasligi lozim. Biz mintaqada tinchlik va xavfsizlikni mustahkamlash uchun har doimgidan ham ko’proq imkoniyatlarni topib, ularni ishga solishimiz zarur. Bilamiz, O‘zbekiston qo‘shnilari bilan bu borada sa’y-harakatlarni jadallashtirib, yetakchilik qilishda davom etadi. Qo‘shma Shtatlar Markaziy Osiyoda mintaqaviy hamkorlikni quvvatlaydi”, - deya eslatadi Pentagon rasmiysi.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

XS
SM
MD
LG