Learning English
VOA
site logo site logo
Oldingi Keyingi
Breaking News
Yangiliklar

Xillari Klinton Tojikiston va O'zbekistonga safar qilmoqda

Xillari Klinton Tojikiston va O'zbekistonga safar qilmoqda
Xillari Klinton Tojikiston va O'zbekistonga safar qilmoqda

AQSh Davlat departamenti nihoyat bu tashriflar haqidagi ma'lumotlarni tasdiqladi. Safar haqida bir necha kun oldin ma'lum bo'lgan edi.

Davlat kotibasi bu ikki davlat rahbarlari bilan hamkorlikni kengaytirish va qo'shni Afg'onistondagi vaziyat haqida gaplashadi.

22-oktabr kuni Dushanbeda prezident Emomali Rahmon va Tashqi ishlar vaziri Hamroxon Zarifiy bilan muzokara kutilmoqda, Xillari Klinton fuqaro jamiyati faollari bilan ham uchrashadi.

O'zbekistonda ham shunday muloqotlar rejalangan. Avval prezident Islom Karimov va Tashqi ishlar vaziri Elyor G'aniyev bilan muzokaralar, undan keyin esa inson huquqlari himoyachilari va faollar bilan suhbat.

Shuningdek, Klinton xonim Amerika-O'zbekiston biznes hamkorligining yorqin namunasi deya ko'rsatiladigan "General Motors Powertrain" zavodi bilan tanishadi.

Davlat departamentining bildirishicha, Texnologik hamkorlik bo'yicha Markaziy Osiyo dasturi va bu sohada sovrin uchun tanlov e'lon qilinadi.

O'tgan oy O'zbekiston tashqi ishlar vaziri Vashingtonda bo'lgan va Klinton bilan uchrashgan edi. Prezidentlar Barak Obama va Islom Karimov ham sentabr oxirida telefonda muloqot qilib, aloqalarni yaxshilashga kelishib olgan.

Afg'onistonda tinchlikni ta'minlash - Amerika tashqi siyosatidagi asosiy masala. Shunday ekan, deydi rasmiylar, bu mamlakatning qo'shnilari bilan hamkorlik qilishga majburmiz.
Afg'onistonda tinchlikni ta'minlash - Amerika tashqi siyosatidagi asosiy masala. Shunday ekan, deydi rasmiylar, bu mamlakatning qo'shnilari bilan hamkorlik qilishga majburmiz.

O'zbekiston va AQSh rasmiylari bugungi hamkorlik faqat Afg'oniston bilan bog'liq degan xulosani inkor etadi. Lekin asosiy diqqat notinch Afg'onistonda ekani tan olinadi. 10 yillik urushni tezroq tugatib, tinchlikka erishish Vashington oldida turgan asosiy vazifalardan biri.

Amerika diplomatlarining ta'kidlashicha, nafaqat O'zbekiston, balki Markaziy Osiyodagi barcha davlatlar bilan serqirra aloqa, siyosiy-iqtisodiy-madaniy hamkorlikni birdek yaxshilash ham prioritet sifatida belgilangan.

Klinton tashrifi oldidan G'arb matbuotida qator tanqidiy materiallar chiqdi. Masalan, "CNN" telekanalining internetdagi sahifasida chop etilgan sharh "Amerika hukumatini O'zbekistondagi diktatura" bilan ehtiyot bo'lishga undaydi.

Afg'oniston bo'yicha hamkorlik zarur ekani tushunarli, deydi Endryu Strolen (Andrew Stroehlein), Bo'hronlarni o'rganuvchi xalqaro tashkilot yetakchi mutaxassisi. Bu guruh O'zbekistonni beqarorlik yoqasida turgan jamiyatlardan biri deb izohlaydi. Karimovning umri bitib, prezidentlik kursi bo'shagach, mamlakatda nima bo'lishi qorong'u, deydi Strolen.

Uning yozishicha, Amerika bir tomondan erkinlik va demokratiya elchisiman deya ko'krak kerib, arab dunyosida uzoq yillik diktatorlarni ag'darayotgan inqilob va qo'zg'olonlarni olqishlab, ikkinchi tomondan "Islom Karimovdek zolim rahbar"ga tayana olmaydi.

O'zbekiston Afg'onistondagi xalqaro koalitsiyaga yuk tashiladigan Shimoliy Ta'minot Tizimida muhim rol o'ynab kelmoqda. Kelasi yildan boshlab yukning 75 foizi aynan O'zbekiston hududidan o'ta boshlashi kutilmoqda.

Aytish joiz, Davlat departamentining yillik hisobotlarida O'zbekistonda inson huquqlari bilan bog'liq ahvol og'ir deb baholanadi. Kongress, AQSh qonunchilik organida, Islom Karimovning ashaddiy tanqidchilari ko'p. Ular Obama ma'muriyatini respublikadagi vaziyatga ko'z yummagan holda ish yuritishga undamoqda.

Lekin Davlat departamenti nazarida O'zbekiston bilan yo'lga qo'yilgan muntazam muloqot samara bermoqda. Bir necha siyosiy faollar qamoqdan ozod etildi. O'zbekiston konstitutsiyasiga o'zgartirishlar kiritildi. Prezident vafot etsa yoki boshqa biror sabab bilan prezidentlik o'rni bo'shasa, Senat raisi muvaqqat rahbarga aylanadi va uch oy ichida yangi saylov o'tishi kerak bo'ladi.

So'z va matbuot erkinligi bobida, fundamental huquqlarni ta'minlashda respublikada qilinadigan ishlar ko'p, deydi rasmiylar, lekin Vashington "qoralash siyosatini emas, muloqot va fikr almashish strategiyasini tanlagan".

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

XS
SM
MD
LG