Learning English
VOA
site logo site logo
Oldingi Keyingi
Breaking News
Yangiliklar

Senat qo'mitasi O'zbekistonga harbiy yordam berishga rozi, lekin palata hali ovoz bermadi

Kongress cheklovlariga istisno tarzida O'zbekistonga harbiy yordam ko'rsatish taklifini respublikachi senator Lindzi Grexem yoqlab chiqqan. U yaqinda Toshkentga safar qilgan edi. Janubiy Karolina shtatidan saylangan Grexem Senatning Davlat xarajatlari bo'
Kongress cheklovlariga istisno tarzida O'zbekistonga harbiy yordam ko'rsatish taklifini respublikachi senator Lindzi Grexem yoqlab chiqqan. U yaqinda Toshkentga safar qilgan edi. Janubiy Karolina shtatidan saylangan Grexem Senatning Davlat xarajatlari bo'

AQSh Senatining Davlat xarajatlari bo’yicha qo’mitasi O’zbekistonga yordam berish xususida muhim bir qarorni ma’qulladi. Masala yaqin kunlarda butun palatada ovozga qo’yiladi. Loyiha Kongress tasdig’idian o’tishi kerak.

Gap bu yerda O’zbekistonga harbiy ko’mak berish haqida ketmoqda. Obama ma’muriyati Afg’oniston bo’yicha hamkor bu davlat iltimosini qondirmoqchi. Aynan qanday iltimos degan savolga Amerika rasmiylari qisqa qilib, chegara xavfsizligi va zobitlar malakasini oshirish bobida ko'mak deya javob beradi.

Qo’shma Shtatlar qonunchilik organi uzoq yillardan beri O’zbekiston bilan aloqalarni, ayniqsa harbiy hamkorlikni cheklab keladi. Buning asosiy sababi - O’zbekistonda inson huquqlari bilan bog’liq ahvol og’ir ekani va Amerika bergan yordam repressiv tuzum tomonidan fuqarolarga qarshi ishlatilishi mumkinligida.

Lekin bugungi kelib, Amerika Afg’onistondagi qo’shinlarga zarur ashyolar yetkazishda Markaziy Osiyo, xususan O’zbekiston hududidan keng foydalanmoqda. Respublika Shimoliy Ta’minot Tizimining muhim qismiga aylangan.

Mana shu hamkorlik evaziga Obama ma’muriyati Senatdan mavjud cheklovlarga istisno sifatida Karimov rahbariyati bilan hamkorlikni oshirish uchun ruxsat so’ragan.

AQSh qonunchilari nazarida Afg'onistonda tinchlikni ta'minlash ustuvor masala, lekin O'zbekistonga hamkorlik uchun berilayotgan madad xalq manfaatlari uchun xizmat qilishi kerak. Shimoliy Ta'minot Tizimidagi xizmatga to'lanayotgan haq yulg'ich amaldorlar
AQSh qonunchilari nazarida Afg'onistonda tinchlikni ta'minlash ustuvor masala, lekin O'zbekistonga hamkorlik uchun berilayotgan madad xalq manfaatlari uchun xizmat qilishi kerak. Shimoliy Ta'minot Tizimidagi xizmatga to'lanayotgan haq yulg'ich amaldorlar

Senatning Davlat xarajatlari bo’yicha qo’mitasi, yuqorida ta’kidlaganimizdek, bu iltimosni qondirishga qaror qilgan. Janubiy Karolina shtatidan saylangan senator Lindzi Grexem bu taklifni olg'a surmoqda. U yaqinda Toshkentga safar qilgan edi.

Aytish joiz, prezident Barak Obama O'zbekiston rahbari Islom Karimov bilan hali biror marta ko'rishmagan. AQSh Davlat kotibasi Xillari Klinton 2010-yilning dekabrida Toshkentga safar qilib, Karimov bilan muloqotda bo'lganida huquq va erkinlik masalasini ko'targan.

AQSh Senati Oq Uy, Davlat departamenti (tashqi ishlar vazirligi) va Pentagonga (mudofaa vazirligi) shunday talab qo’ymoqda:

O’zbekistonda korrupsiya chuqur ildiz otgan ekan, Shimoliy Ta’minot Tizimiga qo’shayotgan hissasi uchun O’zbekistonga to’lanayotgan haq qayerga ketayotganini aniqlang. Ya’ni, davlat va xususiy sektorda kimlar bu to’lovlardan manfaatdor? Bu borada izchil hisobot bering, toki Amerika puli yulg’ichlar cho’ntagiga tushmasin.

Faol nazarida Amerika hukumati O'zbekiston xalqining huquq va erkinliklarini chetga surib, faqat o'z manfaatlarini, qisqa muddatli foydani, o'ylamoqda
Faol nazarida Amerika hukumati O'zbekiston xalqining huquq va erkinliklarini chetga surib, faqat o'z manfaatlarini, qisqa muddatli foydani, o'ylamoqda

Inson huquqlari tashkilotlari O’zbekistonda vaziyat yaxshilanmay turib nima uchun hamkorlik oshirilmoqda va yordam taklif qilinayapti, deya Obama ma’muriyati va Senatni tanqid ostiga olmoqda. Norozilik shu qadar kuchliki, faollar Amerika axborot vositalariga chiqib, ommani ogohlikka undamoqda.

Nafaqat Amerikada asoslangan tashkilotlar, balki Yevropadan turib ahvolni kuzatayotgan huquq himoyachilari ham xavotirda.

Bir nechta nufuzli xalqaro tashkilotlar nomidan Kongessga yo’llangan ochiq maktubda qisqa muddatli manfaatlarni inson huquqlaridan ustun qo’yish tuzatib bo’lmas xato bo’ladi deya ta’kidlanadi.

"Amerika o’zining pragmatik siyosatini davomli tarzda isbotlab kelmoqda",- deydi Umid Niyozova, huquq himoyachisi, O’zbekiston-Germaniya Forumi rahbari.

Karimov ma'muriyati Kongress qo'ygan cheklovlardan norozi ekanini yashirmaydi
Karimov ma'muriyati Kongress qo'ygan cheklovlardan norozi ekanini yashirmaydi

"Afg’onistonga yuk yetkazish O’zbekistondagi inson huquqlari bilan bog’liq vaziyatdan ustun turadi. Ramziy sanksiyalar yoki bunday sanksiyalarning bekor qilinishi O’zbekistondagi inson huquqlari bilan bog’liq vaziyatga biror ta’sir ko’rsatadi deb o’ylamayman. Amerika yordam ko’rsatadimi-yo’qmi, O’zbekiston tanqidlarni eshitishga va ularga mutlaqo e’tibor bermaslikka o’rganib qoldi", - deydi u.

Hozirgacha O’zbekistonga qo’yilgan cheklovlar biror natija bermadi, deydi u.

2005 yilda Andijonda yuz bergan qonli voqealar ketidan Yevropa Ittifoqi Karimov ma’muriyatiga nisbatan sanksiyalar joriy etgan edi.

Biroq blok keyinchalik ularni bekor qildi. O’zbekiston bilan hamkorlik va muloqot orqali inson huquqlari va demokratiyani targ’ib qilamiz degan qarorga kelindi. Bu tashabbus boshida Germaniya turdi.

"Germaniya inson huquqlari bilan bog’liq vaziyatni sanksiyalar yoki tanqid bilan emas, muzokaralar orqali yaxshilash kerak deb keladi. Lekin hozirgacha buning samarasini ko’rmadik", - deydi Umida Niyozova.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

  • 16x9 Image

    Malik Mansur

    Malik Mansur Toshkent Davlat Universitetini (hozirda O'zbekiston Milliy Universiteti) bitirgan. Professional jurnalist. Bu sohada 1990-yilardan beri ishlab keladi. O'zbekistonda qator nashrlarda faoliyat yuritgan. "Amerika Ovozi bilan 2002-yildan buyon hamkorlik qilib keladi. Vatandagi siyosat, iqtisod va ijtimoiy hayotni yoritadi.
     

Shu mavzuda

Back to top
XS
SM
MD
LG