Mo'tabar Tojiboyeva - qamoqdagi -majburiy sterilizatsiya-qissasi

Bepusht qilingan ayollar ham dardini ichiga yutishni ma’qul ko’radi. Bu masalada azaldan ochiq gapirib, shaxsan o’zi uchun ham adolat talab qilib kelayotgan Mo’tabar Tojiboyevaga quloq tutdik. 2005-yilning may oyidagi Andijon voqealari ketidan hukumatni keskin tanqid ostiga olgan huquq faoli noqonuniy tashkilotga a’zolik va tuzumni haqorat qilganlikda aybdor deb topilib, 2006-yilda sakkiz yillik qamoqqa hukm qilingan. 2008-yilning yozida G’arb bosimi bilan ozodlikka chiqarilgan va hozirda Yevropada yashaydi. 2008-yilning yanvar-fevral oylaridagi sterilizatsiya va operatsiyalar haqida hikoya qilar ekan, Tojiboyeva “bu qiynoqning bir usuli edi, maqsad mening ovozimni o’chirish, ruhimni o’ldirish va faoliyatimga nuqta qo’yish edi”, - deydi.