Learning English
VOA
site logo site logo
Oldingi Keyingi
Breaking News
Jamiyat

Bugungi O'zbekiston: Abdulla Qodiriy merosi, kitobxonlik targ'iboti va "ma'naviy tanazzul"

Abdulla Qodiriyni xotirlab... Komolon qabristonidamiz
Embed
Abdulla Qodiriyni xotirlab... Komolon qabristonidamiz

No media source currently available

0:00 0:03:22 0:00
Yuklab oling

Abdulla Qodiriyni xotirlab... Komolon qabristonidamiz

TOSHKENT — 

Abdulla Qodiriy o'zbek zamonaviy adabiyotining otasi sanaladi. Mamlakat faxri. Lekin undan qolgan moddiy va ma'naviy meros qanchalik qadrlanadi?

Bu yil adibning 125 yilligini xotirlayotgan ziyolilar nazarida Abdulla Qodiriy muzeyini ochish birlamchi masala.

Jurnalist va adib Xurshid Do'stmuhammad uchun yozuvchining uyi O'zbekiston tarixining bir qismi va hamisha muqaddas dargoh.

Uning fikricha, o'zbek zamonaviy adabiyoti asoschisi bo'lmish Abdulla Qodiriyning uy muzeyi albatta ochiladi.

"Davlat rahbari bu haqda gapirdimi, demak, bo'ladi", - deydi arbob "Amerika Ovozi" bilan suhbatda.

O'zbekiston Abdulla Qodiriy merosiga befarq, undan qolgan ma'naviy boylikni qadrlamaydi, degan mulohazalarga Xurshid Do'stmuhammad qo'shilmaydi.

Adabiyotshunos olim Sobir Mirvaliyev deydiki, O'zbekistonni qodiriylashtirish kerak. Adibni yangicha ruhda, chuqur o'rganmoq lozim.

Xurshid Do'stmuhammad esa bunday masalalarda hammadan birdek g'ayrat kutmaydi. "Qalb amri... Zar qadrini zargar biladi", - deydi u.

Mustaqil tahlilchi va jamoatchi faol Anvar Nazir fikricha esa siyosiy doiralar va ijod ahli "o'yin o'ynash bilan band.

Vaholanki, Qodiriy muzeyini ochish strategik masala, deydi Nazir.

"Millat bo'lsak, madaniy-adabiy merosimizni qadrlashimiz kerak... Meros bor lekin unga qaramayapmiz", - deya noliydi mutaxassis.

Shoir Muhammad Ismoil nazarida esa yosh avlod orasida Abdulla Qodiriy o'gitlari va asarlarini targ'ib qilib, jamiyatga ziyo ulashish - eng buyuk vazifa.

Qodiriyni jamiyatni unuta olmaydi, unutmagan ham, deydi adib. Lekin undan qolgan merosni asrab-avaylash uchun jiddiy harakatlar zarur.

Maktablardagi kutubxonalar uchun hukumat ko'proq sarmoya qilishi kerak. Rasmiylar olib borayotgan kitobxonlik aksiyalari jiddiy ish emas, deydi adib, yaxshisi ta'lim dargohlari o'z jamg'armalariga ega bo'lsin.

Ko'ngilochar maqsadlarda yuzlab ming so'm sarflashga tayyor yoshlar bitta kitob uchun pulini ayaydi. "Ma'naviyatchilar" ko'p, ma'naviyat yo'q, deydi Muhammad Ismoil.

Uning kuzatishicha, Abdulla Qodiriy xotirasiga bag'ishlangan tadbirlarda hukumat vakillari ko'rinmaydi, vaholanki, madaniyat, ma'naviyat va adabiyot uchun mas'ul vazirlik, idoralar va markazlar bor.

"O'tgan kunlar" asari hozirda amerikalik Mark Ris tomonidan inglizchaga tarjima qilingan lekin hali nashrdan chiqmadi. Bu loyiha Qodiriy va o'zbek adabiyotini tarannum etuvchi global dasturga aylanishi, vatandoshlar tomonidan quvvatlangan holda madaniy diplomatiyaning bir namunasi bo'ladi, degan umid bor. Loyihani olqishlayotganlar uning uchun mablag' to'plash harakatida.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

XS
SM
MD
LG