Baltimor ahli bilan suhbat, o'zbeklar va oddiy amerikaliklar

Baltimor shahrida dunyoning turli burchaklaridan kelgan muhojirlarni uchratasiz. Ishchilar shahri sifatida tanilgan bu maskanda o'zbekistonliklar ham ko'p. Kimdir grin karta yutib kelgan. Bu degani doimiy yashash va ishlash uchun ruxsat bor. Kimdir talaba. Kimdir esa iqtidoriga tayanib bu yerda yangi hayot boshlagan. Hamma ham kamera oldida gapirishni lozim topmaydi. Lekin ayrimlar bilan muloqot qilishga muvaffaq bo'ldik. Amerikaliklardan O'zbekiston va umuman Markaziy Osiyo haqida nima bilasiz deb so'radik.