Learning English
VOA
site logo site logo
Oldingi Keyingi
Breaking News
Yangiliklar

Xillari Klinton Toshkentda Islom Karimov bilan uchrashdi

Toshkent, 2 dekabr 2010
Toshkent, 2 dekabr 2010

AQSh Davlat kotibasi Xillari Klinton bugun Toshkentda O’zbekiston prezidenti Islom Karimov bilan uchrashib, mintaqaviy xavfsizlik, Afg’onistondagi vaziyat, hamkorlik va yordam haqida gaplashgan.

Rasmiy ma'lumotlarga ko'ra, ikki davlat orasidagi savdo bu yili kamida 130 million dollarni tashkil etgan.

Xillari Klinton 2003 yilda nashrdan chiqqan “Tarix Guvohi” (Living History) nomli kitobida Islom Karimov bilan 1997 yildagi uchrashuvini izohlaydi. Uning yozishicha, o’shanda Karimov undan Bill Klinton, prezident sifatida, xalq fikrini qanday o’rganadi d
Xillari Klinton 2003 yilda nashrdan chiqqan “Tarix Guvohi” (Living History) nomli kitobida Islom Karimov bilan 1997 yildagi uchrashuvini izohlaydi. Uning yozishicha, o’shanda Karimov undan Bill Klinton, prezident sifatida, xalq fikrini qanday o’rganadi d

Islom Karimovning ta'kidlashicha, O'zbekiston Amerika bilan har tomonlama aloqalarni mustahkamlashdan manfaatdor.

Toshkent xalqaro aeroportida respublika Tashqi ishlar vaziri Vladimir Norov tomonidan kutib olingan Klinton xonim O’zbekistonda huquq ahvoli og'ir masala ekanini tan oladi.

"Prezident Karimov bilan uchrashganimda uni inson huquqlari va fundamental erkinliklar amalda himoya qilinishini ta'minlashga chaqirdim", - deydi AQSh rasmiysi.

Regional masalalarda hamkorlik o’z yo’liga, deydi u, lekin Amerika bu jamiyatda demokratik taraqqiyot juda sust ekanini yaxshi biladi va muammolarga ko'z yummaydi.

Xalqaro tashkilotlar Obama ma’muriyatini O’zbekiston va butun Markaziy Osiyoda huquqqa ko’proq e’tibor berishga undab keladi.

Klinton xonim bugun Toshkentda fuqarolik jamiyati faollari, huquq himoyachilari va mustaqil jurnalistlar bilan ham suhbat qurib, ularga Amerika erkinlik va demokratiyani targ’ib qilishda davom etadi deb aytgan. So'z va matbuot erkinligi zaruratiga ham urg'u bergan.

“Amerika Ovozi” jamoatchi muxbiri, Malik Mansur taxallusi ostida faoliyat yurituvchi Abdumalik Bobayev AQSh Davlat kotibasi bilan ko'rishgan jurnalistlardan biri.

Muxbirimiz yaqinda Toshkent sudida tuhmat, haqorat va o’z materiallari orqali jamoatchilik xavfsizligiga tahdid solganlikda aybdor deb topilib, 15 million so’mdan ortiq jarima belgilangan.

Abdumalik Bobayev o’zini professional jurnalist deb biladi va korrupsiya, huquqbuzarlik va boshqa siyosiy, iqtisodiy va ijtimoiy muammolar haqidagi tanqidiy maqolalari kuchli asosga ega ekanini aytib keladi.

AQSh rasmiylari uning ishi yuzasidan O'zbekistonga xavotir bildirgan. Shuningdek, Vashington siyosiy mahbuslar - qamoqda o'tirgan jurnalistlar, huquq faollari va muxolifatchilar ishini qayta ko'rib, ularni ozodlikka chiqarishga undab keladi.

Bugun Xillari Klinton O'zbekiston Bosh vaziri o'rinbosari Rustam Azimov bilan ham uchrashgan. Rasmiylar ikki davlat orasida ilmiy va texnologik hamkorlikni kengaytirishga qaratilgan bitimga imzo chekkan.

Ushbu hujjat Amerika va O'zbekiston hukumati, idora va tashkilotlar, ilm maskanlari, tadqiqot institutlari va xususiy kompaniyalar orasida aloqalarni yaxshilash uchun zamin yaratadi.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

XS
SM
MD
LG