Suriya Arab Ligasining prezident Bashar al-Assad hokimiyatni o’rinbosariga topshirsin degan talabini rad etdi.
Liga o’zga davlat ishlariga aralashmoqda, deya norozi rasmiy Damashq.
Kecha tashkilotga a’zo 22 davlat tashqi ishlar vazirlari Qohirada uchrashib, bu davlatdagi ahvolni muhokama qilgan.
Arab mamlakatlari Assadni ikki haftada muxolifat bilan muloqot boshlab, ikki oy ichida yangi hukumat tuzishga, so’ng parlament va prezident saylovlari o’tkazishga chaqirgan.
Qatar Bosh vaziri va Tashqi ishlar vaziri Hamad bin Yassim al-Taniyning aytishicha, Arab Ligasi mazkur tashabbusni BMT Xavfsizlik Kengashi muhokamasiga havola otib, tasdiqlatish niyatida.
Misrda Suriya rahbariyatiga qarshi namoyish
Saudiya Arabistoni esa Suriyada ishlayotgan kuzatuvchilar tarkibidan o’z fuqarolarini chaqirib olmoqda.
Qirollik Assad hukumati Arab Ligasiga bergan va’dalari, xususan, xalqqa qarshi zo’ravonlikni bas qilish va’dasiga amal qilmayotganidan norozi.